‘Coldplay’ telok ken ka nung US Tir Barack Obama adoktsü

November 25, 2015: US Tir Barack Obama-i kentener telok ‘Coldplay’ sapur aser par telok ken tasen ka nung pa adoktsü.

British nunger rock kentener ken ka nung Obama adoktsü pai mulungtetbaji ajanga aika süngmanger.

Iba recording ji taküm küm tetenzüklen Charleston nung kahtepba lendong nung asür, Clementa C Pinckney asüpila sentong nung Obama-i ken tena adokba indang lir.

“Tir (Obama)-i Tenla ki ka nung ‘Amazing Grace’ ken atenba indang video clip tila ka onok ket nung lir,” ta Coldplay kentener telok nungi züngsem Martin-i ashi, ta The Sun online ajanga metetdaktsü.

“Pai inyakba puti otsü aser iba kenji, ‘Ni samar liasü saka tangbo kümzükogo,” ta aliba akanga lir,” ta paisa ashi.

“A Head Full of Dreams” ken video nung US Tir indang video clip amshitsü atema White House-ia melaogo. Iba ken ya tan hopta tatembanglen sayatsü imlar.