College/School indang garitem atema metetdaktsür

Dimapur, May 17 (TYO): Kaketshirtem anir senzüba College/School tem indang Bus & LMV temi küm aika saru magütsüi aruba mesüra kulikaket tejangja melii senzüba putetogo. Anungji, June 8, 2017 matongdang garitem renew/register/reassign asütsü metetdaktsür, ta District Transport Officer & Secretary, Regional Transport Authority Dimapur, Nagaland-i sangdong ka nung ashi.
Tang nungi Educational Institution indang garitem ajak mita reprangtsü aser Motor vehicle rules Act amshidang timtem kar ajurura iba tebilemtsüji onoki mabentsü aser aibelenertem Motor vehicle Act kübok temerenshi alitsü, ta sangdong nungsa metetdaktsü.