Colombia Actor Carlos Munoz Sanchez süogo

January 12, 2016: Actor Carlos Munoz Sanchez January 11 nü Bogota, Colombia nung temang nung timtem kar ajanga arishi kü 72 nung süogo

Latin news station Noticias RCN ajanga ashiba agi, Munoz Sanchez ya tepok aser tepokpok na nung küm 15 tashi timtema liasü aser 2015 November ita nung hernia surgery agi.

Iba operation agir hopta ana lir külen timtem adoka Bogota nung aliba Reina Sofia Clinic medical centre-i tanaben anir ao.

Pa küm 50 actor ka ama shilem agiyonga arudang tenüng tajang aiben bener aruogo. Iba den külemi pai telenovelas nung shilem agiba ajanga TV Novelas Award asemben tashi nguogo.

Colombia Tir Juan Manuel Santos-ia pa asüba osang angashia twitter ajanga asüko lemsatepogo.

Juan Manuel Santos-i, “Linük asoshi TV star tuluba samaogo: asenoki teti meima aliba Carlos Munoz ya actor tajung aser kanga dang senti nisung ka liasü. Onoki na kanga menungratsü,” ta twitter ajanga lemsatep.

Colombia nunger kentener Carlos Vives-i, “Medemer aser actor Carlos Munoz-i Colombia nunge-i kodanga mamatettsüsa inyakteta yutsüba asoshi kanga pelar,” ta Instagram.com ajanga lemsatepogo.