Colombia nung ‘Nobel Peace Laureates’ sentong akatsü

Bogota, January 31 (Agencies) : Brihostibarnü Colombia nung 16buba ‘World Summit of Nobel Peace Laureates’ sentong ayonga amungtsü aser iba sentong nung Noble Peace Laureate rongnungi parnok nisung 31-i yimjung, asüngsashi aser terenlok tsütsü jembitsü, ta osangbenertemi ashi.
Iba sentong ya Colombia Tir Juan Manuel Santos-i lapoktsütsü, ta ketdangsertemi metetdaktsüogo.
Tan agitsü aliba sentong ya Permanent Secretariat of the World Summit of Nobel Peace Laureates aser Bogota Chamber of Commerce na senteper ayonger aser February 05, 2017 nü tashi amungtsü.
Iba sentong ya Latin America nungbo tan mezüngsüa akatsü.
Kasa sentong ya tamalen Barcelona (2015), Rome (2014), Warsaw (2013), Chicago (2012), Hiroshima (2010), Berlin (2009), Paris (2008) aser Rome (1999 to 2007) yimtitem nungsa munga aruogo.