Colour Coded Car Stickers form agizüktsü sangdonger

Dimapur, Rongjui/September 20 (TYO): Home Department-i sangdong ka ajanga Government officials shirnok government gari lemzüka lir parnok ajak dang Colour Coded Car Stickers form den official, designation, vehicle registration number, gari tapu aser gari sentsü, Home Department, Political Branch nungi agizüktsü asoshi mepeshia metetdaktsüogo.
Maneni Transport Department-ia Motor Vehicle Act, 1988, Section 43 kübok gari tasen ajak temporary registration ita ka atema agitsü nüngdaker koba renew sütettsü aser iba tsüngda nung gari register asütsüla, ta metetdaktsü.
Ajisüaka iba mapa atakzüka aliba tsüngda gari tasen aika register mesüi senzüba anguba parnokisa metetdaktsü.
Anungji Motor Vehicle Act, 1988, section 65 kübok Transport Department-i Temporary Registration Certificate expiry asüba anogo nungi tenzüka anogo shia senchi sen 10 agitsü sangdongogo, ta DIPR sangdong ka ajanga metetdaktsü.