Combat Sports Festival tenzükogo; Venuzo-i King of the Ring kümogo

Champion Venuzo Dawhuo den tanga asayar aser ketdangsertem tangokba noksa nung angur.

Kohima, Mongputeni/October 23 (TYO): Combat Sports Festival Mongputeni 23, 2018 nü asaya nung Chakhesang Wrestling Association nung takok ngur aliasing, Venuzo Dawhuo-i season tanabuba atonga Naga Wrestle Mania-7 (King of the Ring Series) kokogo.
Melangtepba final asaya nung, Venuzo-i tanaben takok angutsü atema taoba NWA nung takok angusang Menuosetuo Yiese madak takok ngua liasü.
Dzieselatuo Keretsü aser Kezhavizo Thevo nati jenjang tasembuba aser pezübuba nung takok angu.
Takok jenjang ngutetba atema, Venuzo-i senpet sen lakh 1.2, runners-up, Meneuosetuo-i senpet sen 60,000, jenjang tasembuba aser pezübuba nung takok angur Dzieselatuo o Kezhavizo nati senpet sen 30,000 aser 15,000 agizüka liasü.
Quarter final asaya nung tamakok angur pezü; Kohima yimtsüng nungi Kezhaseluo-o Pienyii, Tungjoy nungi Nguzii Pao o Tho Apa aser Sechiima nungi Seketoukho Nipu nunger nem senpet sen 8000 (each) agüja liasü.
Pre-quarter asaya nung tamakok angur parnok 8; Sechii Zubza nungi Kekhriezo Nagi, Kohima yimtsüng nungi Khrievotuo Sekhose, Phusachodu yimtsüng nungi Besiihveto Cumu, Riisoma yimtsüng nungi Ruopfiivizo Talie, Chepoketa yimtsüng nungi Veneseku Vero, Kohima yimtsüng nungi Seyiekhrietuo Yiese, Khuza yimtsüng nungi Serayi aser Mezoma yimtsüng nungi Ruokokehie Khawakhrie nem senpet sen 5000 (each) agütsü.
King of the Ring series asaya mezüng round nung tamakok angur parnok 16; Phesama nungi Neithongulie Kuotsu, Mezoma nungi Keneiselie Khawakhrie, Tingjoy nungi Avedu Victor H, Thenyizu nungi Neswukhoyi Dawhuo, Kohima nungi Ayoho, Khomi nungi Thupuve Vezuh, Viswema nungi Kezevikho Sakhrie, Thipuzu nungi Melevo Rose, Leshemi nungi Putso Lasushe, Rusoma nungi Khriesanguzo Zuyie, Kohima nungi Khriebazo Solo, Khulazu nungi Cuhuyi Chuzho, Runguzu nungi Dima Keyho, Khonoma nungi Mhiesiriesie Chiicha, Suthozu nungi Mutuveyi Nyekha aser Rahul Rai nunger shia nem senpet sen 3000 agüja liasü.
Iba asayamung lapokba sentong nung tetushi tesemdanger, NPF MLA Keneizhakho Nakhro-i o jembiba mapang, Naga lanurtem atema sabang ka yangluba aser combat sport meimertemi iba asayamung reprangtettsü asoshi maongka agütsüba atema Combat Festival – 3E ketdangsertem dang pelaba metetdakja liasü.
Naga style wrestling ya alaktetta sentong tajung ka aser wrestling meimertem atema asayamung tajung ka lir, ta pai ashi.
Naga lanurtemi national aser international combat sport sabang nung shilem agiba atema pelaba lemsatepba den külemi tarutsü nung jenjang tuluba ajangzüktetta naroküm bener arutsü atema Nakhro-i tajungshiba agütsü.
Professional saisapong nung shilem agitettsüsa teti meranga bushiba den külemi ajemalua aser bendanga agüja inyaktsü atema, Nakhro-isa Wrestler aser fighter tem ajungshia liasü.
3E Managing Director, Kethosituo Elvis Mepfuo-i telok pela agizükba o jembi.
Maneni, X1.IN ta nüngja agütsüba Mixed Martial Arts championship asyamung ya Mongputeni/October 26 aser 27, 2018 anogo anaprong ya nikongdang 5:00 ako nungi tenzüka asayatsü.