COMIO-i India nung ‘C2’ smartphone sen 7,199 agi sayaogo

New Delhi, October 04 (Agencies): Bodhbarnü company tasen, COMIO-i India nung parnok indang smartphone tasenba “C2” sen 7,199 agi sayaogo. SIM ana aiba phone nung tesülen aser tejaklen ajak 8MP camera flash den keta lir.
Iba smartphone nung 5-inch HD IPS Display aser kanga dang tashitait, 4,000mAh battery keta lir. Phone tasenba ya Quad-core 64 bit Mediatek chipset ajanga mapa inyaker.
“COMIO ‘C2’ sayaba ajanga onoka sen meyirjang 6 nung 10 (mid-segment) jenjangtem indang phone nung tongti shilem agir asütsü nükla lir. India nung smartphone amshirtemi parnok indang handset nung inyakyim ajak peria aliba saka sen dalang indang aginüba temulung nung yur onoki iba ‘C2’ smartphone ya yanglu,” ta CEO aser Director, COMIO India, Sanjay Kumar Kalirona-i sangdong ka ajanga metetdaktsü.
COMIO-i data asoshi Reliance Jio den tesendaktep yua lir aser ibaji ajanga data benefit talila agütsütsü.
COMIO amshirtem nem ita pezü tashi ita shi 5GB agütsütsü. Iba dak alaka sen 309 mesüra iba dak tema agi recharge asürtem nem 5 GB data indang voucher talila ka parnok handset nung agütsütsü, ta company-i ashi.