Commando 2 film Hindi, Tamil aser Telugu oshitem nung sayatsü

Mumbai, January 22 (Agencies): Actor Vidyut Jammwal adokba film Commando 2 Hindi, Tamil aser Telugu oshitem nung sayatsü, ta film yanglurtemi metetdaktsü.
Commando 2 ya 2013 movie Commando: A One Man Army den tatong movie lir. Iba movie nung Vidyut den külemi Adah Sharma dena shilem agir.
“Film koba nung züktepba aika alir, item film tem ajak Tamil aser Telugu oshi nung meyipzüka yanglur, kechiyong nüburtemi yamala film kanga sapua repranger. Vidyut-i film tem nung züktepba shilem kanga junga agir, aser Commando 2 nung pai shilem agiba ajaki reprangnütsü. Telugu film ‘Kshanam’ nung kanga takok ngua shilem agiba sülen Adah-i maneni Commando film nung kanga junga shilem agir, aser la sapurtemi reprangnütsü,” ta film producer Vipul Shah ashi.
Commando 2 film ya March 3 nung sayatsü. Iba film ya Deven Bhojani-i direct asü.