Commissioner of Police & District Magistrate Dimapur-i metetdaktsür

Dimapur, Aenjeti 25 (TYO): Election Commission of India-i Press Note No. ECI/PN/2018 dated 18th January 2018 ajanga 13buba Nagaland Legislative Assembly 2018 atema General Election agitsü asoshi sangdongba aser Election Commission of India indang totuyuba vide No. 464/L&O/2007/PLN-I dated 8th January 2007 nung ajemdaker General Election timi tesünep aser yimjung nung agitettsü mechi Dimapur district kübok Arms License amshir ajaki license aliba prangbong ajak anasatiba Police Station nung Tsüklai (February) 10, 2018 tashi nung agütsütsü metetdaktsür, ta Commissioner of Police aser District Magistrate, Dimapur, Limasunep Jamir-i sangdong ka nung ashi.
Iba totuyuba nung manidakba license amer nem Arms Act, 1959 kübok aliba ama temerenshi agütsütsü aser Arms License thitsütsü akok, ta kasa sangdong ajanga ashi.
Maneni Commissioner of Police aser District Magistrate, Dimapur, Limasunep Jamir-isa sangdong ka nung, Election Commission of India-i Press Note No. ECI/PN/2018 dated 18th January 2018 ajanga 13buba Nagaland Legislative Assembly 2018 atema General Election agitsü asoshi sangdongba aser Election Commission of India indang totuyuba vide No. 464/L&O/2007/PLN-I dated 8th January 2007 nung ajemdaker General Election tiptema tesünep aser yimjung nung agitettsü mechi aser tarutsü nung lendong majurutsü mechi CrPC indang Section 144 nung agüja aliba tashi amshia Dimapur district kübok tang nungi tenzüka nisung shingaia arms (prangbong, nok, club, nü, apoktsü oset, lijak mesüra tangar yirutsütsü mesüra pei kümzüktsü mechi amshiba osettem) bener jajaba nung tenokdangba agütsür, ta metetdaktsü.
Iba totuyuba ya tang tensa asadanger agütsür aser tarutsü nung osang magütsü tashi kasa ozüng amshia alitsü, ta pai-sa shisem.