Committee on Public Undertakings ajanga Wazeho cement plant semdangtsü

Dimapur, Mongputeni/October 09 (TYO): Wazeho nung aliba Mini Cement Plant (MCP) jenjang asadangtsü asoshi Advisor, Horticulture & Border Affairs aser Committee on Public Undertakings (2020-2021) Chairman, Mhathung Yanthan-i “On-the-Spot-Verification-visit” sentong ka benok. Iba dak sendakba nung September 10, 2020 nü pa lenisüba kübok Committee on Public Undertakings indang Evidence Meeting amendang October 28 & 29, 2020 anogotem nung Mini Cement Plant, Wazeho ya semdangtsü lemteta liasü.
Iba semdangba mapang Committee on Public Undertakings züngsem ajaki shilem agitsü mepishir, ta sangdong ka ajanga ashi.