Commonwealh Championships: Taku-i Best Lifter sempet agizük

Itanagar, October 17 (Agencies): Arunachal nunger Lalu Taku-i Maharastra kübok Pune nung ayongba 2015 Commonwealth Weightlifting Championships asayamong nung Best Lifter sempet agizükogo.
Overall shilem nung India-i Champion jenjang anguba asayamong anogo 2 buba nung Taku-i gold medal 3 tashi agizüka iba sempetji agizük.
Taku-i Youth World Weightlifting Championships nunga bronze agizükba aser Qatar kübok Doha nung taküm January ita ayongba Youth Asian Championship nung gold medal 2 aser silver medal 1 tashi agizüka Asian Champion akümba osanga jangjaogo.
National jenjang nung taküm January ita Haryana kübok Yamuna Nagar nung ayongba 10 buba Youth National Weightlifting Championships nunga Taku-i gold medal 3 tashi agizük.
Ano, Yamanua Nagar nungsa taküm January ita ayongba 51 buba Junior National Weightlifting Championships nunga pai par Arunachal Pradesh asoshi gold medal 3 agizüka Junior National Champion aküm.