Commonwealth Games ken o nung TP Singh merenshiogo

New Delhi, September 02 (Agencies): 2010 Commonwealth Games asoshi terenemshiba agia Delhi yimtiba nung street lights tajungba küma mesenlokba maparen ochimeshi inyakba ken o nung tongti metpur, TP Singh nem tepuokdak küm 6 tashi puoka ayutsü temerenshi tanü Bodbar nü agütsüogo.
“Temzüng Sec 420 nung ajemdaker aitsüba sülen MCD nung Managing director, TP Singh tepuokdak küm 6 puoka ayutsü aser kasa ken o nung aibelener 5 tepuokdak küm 4 puoka ayutsü temerenshi agütsüogo,” ta CNN IBN osangi metetdaktsü.
Singh den külemi merenshir pungoji Sweka Power Tech Engineers Pvt Ltd nung Director, J P Singh; taoba MCD superintendent engineer, D K Sugan; executive engineer, O P Mahala; account Raju V aser tender clerk, Gurcharan Singh nunger aliba osang jangjaogo.
Central Bureau of Investigation (CBI)-i bushisüngdangba sülen tan merenshirtemi sorkar senpong nem sen crore 1.42 shi takoksa bener arutsüba kuli bushiteta lir.