Commonwealth Shooting C’ship nung Shahzar, Pooja-i gold medal angu

Brisbane, November 1 (Agencies): Commonwealth Shooting Championship nung India nunger pistol akhartemi 10m air pistol event asaya okshia kokogo. India nunger rongnungi Shahzar Rizvi, Omkar Singh aser Jitu Rai nungeri gold, silver aser bronze medal koktetogo.
Tetsürtem 10m air rifle event nung Pooja Ghatkar-i gold medal angu aser Anjum Moudgil-i silver medal koktetogo. Kasa event nung bronze medal Singapore tsür Martina Lindsay Veloso-i angu.
India nunger atema iba asayamung nung tanü takok tajung ngutetogo. Parnoki gold medal ana, silver medal ana aser bonze medal ka, ta koktetogo.
Kasa asayamung nung Heena Sidhu-i 10m air pistol event nung gold medal angu aser kasa event nung Deepak Kumar-i silver medal nguteta India nunger atema iba asayamung kangajunga tenzüktsü.
Sidhu-i score ajak senteper 626.2 (386+240.8) khateta temaba jenjang ngutetogo.
Sidhu atema international jenjang nung iba medal dena gold medal ana ngutetogo, taoba mapang ISSF World Cup Finals nung Jitu Rai den 10m air pistol mixed team event nung lai gold medal kokteta liasü.