Commonwealth Youth Games: India-i medal 7 agizüker

Somoa, September 10 (Agencies): India asayartemi tang tasayadak 5 buba Commonwealth Youth Games tembangtsü anogo ka anünga alidang, tanü Brehostibar nü gold medal 2 densema ajak agi medal 7 tashi agizükba osang jangjaogo.
Lasang toktepa kashishir, Prachi Singh-i tetsür recurve shilem indang gold aser Sasikumar Mukund o Dhruthi Tatachar Venugopal nati mixed doubles tennis gold medal densema India-i tanü gold medal 2 agizük.
Tsüngteper Gourav Solanki-i tebur temang touzük seret 52 taret shilem, Nishant Kumawat-i tebur recurve individual shilem aser Velavan Senthil Kumar o Harshit Jawanda nati squash mixed team shilem nung tanabuba jenjang ngua silver 3 agizüka liasü.
Tsüngepter Leichombam Bhimchand Singh-i temang touzük seret 49 taret aser Prayag Chauhan-i temang touzük seret 64 taret shilem nung bronze medal 2 tashi India tenüng nung agizükba osanga jangjaogo.
Tan asayamong nung medal timba agizüker telok tarensen nung India-i tanü tashi nung gold 7, sivler 4 aser bronze 6 densema ajak agi medal 17 tashi agizüka 6 buba jenjang nung lir.