Computer communications mita reprangtsü atema MHA-i agency 10 nem tashi agutsü

New Delhi, Luchii/December 21 (Agencies): Computer nung rizünga ayuba osangtem mita reprangtsü atema Ministry of Home Affairs (MHA)-i Central intelligence aser security agency 10 nem tashi agutsüogo.
MHA-i, item agencies jagi computer nung aliba osangtsüsang, tagizükba mesüra lemsatepba osangtsüsang nokdangtsü akok, mita reprangtsü akok aser decode asütsü akok, ta metetdaktsü.
MHA-i tashi agutsüba agency 10 ji: Intelligence Bureau, Narcotics Control Bureau, Enforcement Directorate, Central Board of Direct Taxes, Directorate of Revenue Intelligence, Central Bureau of Investigation, National Investigation Agency, Cabinet Secretariat (RAW), Directorate of Signal Intelligence (For service areas of Jammu & Kashmir, North-East & Assam only) aser Commissioner of Police, Delhi lir.
Information Technology Act kübok Arrla 69(1) nung ajemdaker agutsüba tetuyuba nungji Union Home Secretary, Rajiv Gauba-i sign süa lir.
Kasa tetuyuba nung shia aliba agi, subscriber mesüra service provider mesüra computer resource in charge temi agency 10 denji facilities ajak lemsateptsüla, aser technical teyari agutsütsüla, tashi mangara küm tenet tashi tepoukdak ayutsüa akok aser senchi-a achitsü akok.
Iba teteyuba nung ajemdaker item agency jagi MHA dang nungi temelaba magii social media mita reprangtettsü.