Cong CM tem aser Mamata nunger NITI Aayog senden nung maden

Chennai, July 15 (Agencies): Tanü Ato kilonser Narendra Modi lenisüba nung agiba NITI Aayog Governing Council senden nung Congress tashi nung aliba state tem nungi Chief Minister 9 den West Bengal, Tamil Nadu, Uttar Pradesh aser Odisha chief minister tem maden, ta osang ka ajanga ashi.

Ajisüaka Governing Council tanabuba senden nungji Bihar CM Nitish Kumar, Delhi CM Arvind Kejriwal, Tripura CM Manik Sarkar aser J&K CM Mufti Mohammad Sayeed nungerbo denogo.

Iba senden nung Congress Chief minister tem dak alia West Bengal Chief Minister Mamata Banerjee, Tamil Nadu chief minister J Jayalalithaa, Odisha chief minister Naveen Patnaik aser Uttar Pradesh chief minister Akhilesh Yadav nunger maden.

NITI Aayog Governing Council nung Chief Minister ajak aser Union Territory tem nungi LT Governer ajak densema lir.

Tamalen Congress lenirtemi, sorkari land bill benoktsü merangba anema Congress chief minister tem iba senden nung madentsü, ta metetdakja liasü.

“Iba mera (Land bill) nung Congress aser sorkar na tangatetba balala asünungji iba senden nung Congress Chief minsister tem adentsü nüngdak madoker,” ta Congress otongdar R P N Singh-i tamalen shia liasü.

Linük nung Congress tashi nung aliba state 8 ji- Kerala, Karnataka, Himachal Pradesh, Uttarkhand, Assam, Manipur, Meghalaya, Arunachal Pradesh aser Mizoram lir.

Taküm Budget senden nung Congress Tir Sonia Gandhi lenisüba nung opposition party 14 nungi lenirtemi Land bill anema liasü.