Cong-i Lalu den sabang melemsateptsü akok

Patna, October 05 (Agencies): Bihar assembly election nüboyim sentong nung Congress Tir Sonia Gandhi aser party tatong Tir, Rahul Gandhi nati RJD tongti lenir, Lalu Prasad den sabang melemsateptsüa akok.

Taruba Bihar assembly election nung Congress-RJD aser JD(U) senteper tokteptsü.

Congress aser RJD osangtem ajanga, tang tashi nungbo Lalu, Sonia mesüra Rahul nungeri külemi nübo ayimtsü sentong mali, ta shiogo.

Congress Party osang ka ajanga, “Ochimashiba pusemer mesüra ochimashir pusemer ta mangatettep onük madoktsü atema party anati tetsüngda ayutsü meranger. Shiruru indang chiyungtsü atema senotsü ochimashi ken o nung aibelena alisang Lalu den Sonia mesüra Rahul nati sabang külemi lemsateptsüji lenmang mali,” ta ashi.a