Cong-i Rajasthan nung manifesto saya

Manvendra-i CM, Raje den tokteptsü

Jaipur, Yimpoksüi/November 17 (Agencies): Rajasthan nung December 7, 2018 nü agitsü aliba assembly election atema tanü Congress-i tanabuba tarensen nung candidate 32 tenüng sangdongogo.
Rajasthan nung Jhalrapatan constituency nungi taoba mapang BJP lenir, Jaswant Singh’er jabaso, Manvendra Singh (Congress)-i Chief Minister, Vasundhara Raje den tokteptsü.
Tanü Congress general secretary aser Rajasthan election in-charge, Mukul Wasnik-i party candidate tenüng 32 metetdaktsü.
BJP-ia Brihostibarnü candidate 152 sangdonga liasü.
Manvendra Singh ya taoba mapang Sheo nungi BJP MLA liasü, ajisüaka taküm September ita nung pai BJP toktsür Congress party nung aden.
Kasa election nung Congress lenirtem- Ashok Gehlot, Sachin Pilot aser CP Joshi nungeria tokteptsü.
Chief Minister, Raje-i tanü Jhalawar secretariat nung nomination file süogo.
Arishi küm 54, Singh-i 2013 Assembly elections nung Sheo constituency nungi BJP candidate ka ama toktepa takok ngua liasü, ajisüaka September ita lokti senden ka nung pai BJP toktsüba sangdong.
Osangbenertem den jembidang Singh-i, “Rahul Gandhi aser Congress CEC-i ni toktepdaktsüba aser kü nem khuret agutsüba atema pelar. Ni iba khuret agizüker aser election atema nüboyimtsü,” ta metetdakja liasü.
State Congress Tir, Sachin Pilot-i Singh party nung adenba ajanga party tashi itshitsü, ta metetdakja liasü.
Pilot-isa, “Lenirtem aikati BJP toktsüdar, anungji ya kechiba ataloker? ta parnoki shisadangtsüla,” ta ashi.