Congress atema aluyimertem ya Vote Bank lir: PM Modi

Palamu (Jharkhand), January 05, 2019: Tanü Jharkhand state kübok Palamu district nung Bihar aser Jharkhand atema irrigation project trok tenzüktsüba sentong nung Ato kilonser, Narendra Modi-i tribal tsürtem nem tetushi agutsüba noksa nung angur. Kasa noksa nung Jharkhand Angh, Draupadi Murmu aser Jharkhand Chief Minister, Raghubar Das nata angur.

New Delhi, January 05 (Agencies): Tanü Ato kilonser, Narendra Modi-i Jharkhand nung irrigation projects trok atema lung azüngtsüogo, aser item projects rongnung Mandal dam atema sen crore 2,391.36 densema lir, koba ajanga Palamu aser Garhwa district na nung ali hectare 19,604 nung tzü agutsütsü.
Iba sentong nung jembidang Ato kilonser, Narendra Modi-i, “Congress Party atemabo aluyimertem ya vote banks lir, ajisüaka onok (BJP) atemabo aluyimertem ya chiyungtsü agutsürtem lir. Congress aser BJP na tsüngda tepilaji ibaji lir,” ta metetdaktsü.
Jharkhand nung lokti senden jakdang Modi-i Pradhan Mantri Awas Yojana kübok nisung pongu nem ki jabi agüja liasü.
Mandal dam mapa ya 1972 küm tenzük, ajisüaka 1993 küm iba mapa anena liasü; maneni iba dam asentenshia Latehar district nung aliba North Koel ayong nung yanglutsü.
Taoba sorkartem aija Modi-i, taoba mapang sorkartemi Jharkhand nung aluyimertem atema bilemja meinyak, aser iba kuliji Mandal dam project menoa meyangluba ya lir, ta ashi.
“Onoki aluyimertem ya chiyungtsü agutsürtem ama züngshir, ajisüaka taoba sorkartemibo aluyimertemji vote banks ama züngshi,” ta pai ashi.