Congress CM candidate ji Tarun Gogoi asütsü : Rahul

Guwahati, December 12 (Agencies) : 2016 Assam state assembly elections nung Congress indang chief ministerial candidate ji Assam nung tang teinyakdak Chief Minister Tarun Gogoi asütsü, ta Honibarnü Congress vice president Rahul Gandhi-i metetdaktsü.
Hokolbarnü Rahul Assam nung anogo ana mungzüktsü atema aru aser tanü Brahmaputra Guest House nung pai yimozülur aser osangbener den senden ka alidang iba osang metetdaktsü.
Congress-i Assam Pradesh Congress Committee (APCC) lenisüba aser chief minister dak tamang akar aser yaser ang Assam nung tanga yimten teloktem den tesentaktep alitsü indang telemtetba agitsü, ta Rahul-isa ashi.