Congress-i Aam Aadmi Party MLA 21 anentsütsü akhanger

New Delhim, September 08 (Agencies): Delhi Chief Minister, Arvind Kejriwal-i shimba parliamentary secretary 21 High Court-i anentsütsü tuyuba sülen Brihostibarnü Congress-i AAP MLA 21 ji anentsütsüla ta takhangba agütsü.
“AAP (Aam Aadmi Party)-i MLA 21 parliamentary secretary shimbaji ozüng alema lir aser temzüng den khenyongi mapet,” ta Congress otongdar, Akshay Kumar-i ashi.
“AAP MLA 21 pronglaji anentsütsüla,” ta paisa ashi.
Congress lenirisa, Delhi High Court tetuyubaji party-i mapang talangka nungi jembiba den kasa lir, ta ashi.
Kejriwal aija Kumar-i, “Kejriwal den par lenirtemi democracy indang sayutsüngir saka parnoki jembiba ama meinyaker,” ta ashi.