Congress-i dang Nagaland kümzüktsü aser ajungkettsü: Jairam Ramesh

Dimapur, February 17, 2023 (TYO): Congress-i dang Nagaland kümzüktsü aser ajungkettsü ta Rajya Sabha MP aser Congress general secretary incharge- Communications department, Jairam Ramesh-i ashi.

Congress-i Nagaland nem state agütsü aser Arrla 371 (A) benok anungji Congress-i dang Nagaland kümzüktsü aser yimjung, teputep aser terenlok leni anitsü, ta Jairam Ramesh-isa ashi.

Tanga party ajak ya BJP indang kongsangtem ama kümogo, ta paisa shisem.

Civil society temi Nagaland nung election tiptema aser ochishia agitsü atema mapa inyakra Congress-ia iba nung nungittsü, ta Ramesh-isa metetdaktsü.

Hokolbarnü osangbener den senden amendang NPCC president K Therie-i Congress indang ‘Seven Guarantees’ sayatsü aser Congress nem sorkar akümtsü maongka agütsüra item guarantees inyaktsü ta pai nangzük.