Congress-i EC dang RS election anogo melentsü mepishi

New Delhi, March 09 (Agencies): Tanü Assam nung Congress Party-i Election Commission (EC) dang March 21, 2016 nü Rajya Sabha election agitsü aliba anogo melenshitsüla, kechiyong iba anogo ya taruba ita state nung assembly election atema nomination anogo denjir, ta ashi.
Election Commission nem temepishiba agütsüba shidi nung state Congress Unit-i, March 21 anogo ya April 4 assembly election mezüng agitsü aliba atema nomination agientsü anogo lir, aser April 1 nü election shilem anabuba agitsü atema nomination agütsüba tatembangbuba anogo lir, ta shia lir.
Rajya Sabha züngsemtem ya Legislative Assembly züngsemtemi single transferable vote ajanga shimer.
Kasa shidi nung Congress-i, MLA tem election maparen aser nomination inyakyim nung mazüngi alitsü, anungji Rajya Sabha election atema vote agütsütsü asoshi parnok Dispur-i aotsüji tasak asütsü, ta shia lir.