Congress-i Northeast nung takok angutsü

Agartala, March 20 (Agencies): Congress-i taoba Lok Sabha elections dang nungi taküm tajungba agi takok angutsü ta Congress indang central observer Bhupen Borah-i ashi.
Agartala nung party headquarters nung osangbener den jembidang AICC secretary Bhupen Borah-i “Congress-i LS menden 25 nungi menden kwi nung takok angutsü’ar meshitettsü saka taoba elections dang nungi taküm tajungba angutsü.”
Tripura BJP vice-president Subal Bhowmik-i party toktsür Congress nung adenba sentong nung pai iba osang metetdaktsü.
West Tripura Lok Sabha menden atema Bhowmik ya candidate rongnung ka lir.
Congress Bhavan nung Congress nung adendang taoba MLA Bhowmik den BJP lennir tejen Prakash Das, taoba minister & CPI-M councillor Debasish Sen natia Congress nung aden.
Parnoki Tripura Congress president Pradyot Kishore Debbarma, Congress central observer Bhupen Borah, taoba chief minister Samir Ranjan Barman, taoba Tripura Congress president & minister Birajit Sinha nunger ket nungi Congress wako meshizük.