Congress-i Northeast state tem nung in-charge shim

Guwahati, Rongjui (September) 14 (Agencies): Congress lennir tejen aser taoba power minister Pradyut Bordoloi aser taoba Bihpuria MLA Bhupen Bora na All India Congress Committee (AICC) secretary inyaktsü shimogo.
AICC-isa Meghalaya nungi Zenith Sangma, Charles Pyngrope aser Amapareen Lyngdoh , Manipur nungi Victor Keishing aser Tripura nungi Pradyot Deb Barman nungertem secretary inyaktsü shi.
Hokolbarnü Congress tir Rahul Gandhi-i Northeast nungi secretary tasentem shimba tenüng metetdaktsü.
Secretary tasentem shimba rongnungi taoba Assam Power minister Bordoloi-i Nagaland in-charge aser taoba MLA Bora-i Tripura in-charge inyaktsü mapa lemzüktsü, ta Congress general secretary Ashok Gehlot-i sangdong ka nung ashi.
Meghalaya Congress lennir aser taoba Chief Minister Mukul Sangma tenu Zenith Sangma-i Arunachal Pradesh atema general secretary aser Pyngrope-i Manipur in-charge inyaktsü mapa nungloktsü.
Maneni, Meghalaya public works department minister Lyngdoh nem Mizoram in-charge lemzüktsü.
Tripura nungi Deb Barman nem Sikkim aser Manipur nungi Keising nem Meghalaya in-charge inyaktsü mapa lemzüktsü.