Congress-i senden nokdangba ajanga tai menar: Naqvi

New Delhi, December 09 (Agencies): National Herald ken o nung Bodhbar nü Rajya Sabha senden aiben thinenba dak sentakba nung Union Minister, Mukhtar Abbas Naqvi-i, court indang maparen nung Congress-i yimtenren benoker aser Parliament junga magitetdaktsüba ajanga tai menar, ta ashi.

“Congress-i Parliament junga magitetdaktsüba ajanga nüburtem teimla sota tai menar, koba ajanga okadak maparen ka nung yimtenren benoker,” ta Naqvi-i twitter ajanga ashi

National Herald ken o nung Congress lenir- Sonia Gandhi aser party tatong Tir Rahul Gandhi na court kati jaoka lir.

Naqvi-isa, Congress-i küm 10 yimsüsüba mapang constitutional reju ajak aser sorkar agency ajak tim mesüi amshi, ta aitsü.

“Tang Congress-i court maparen ka nung yimtenren benoker,” ta paisa shisem.