Congress-JD(S) teloktep sorkar küm 5 tashi itta alitsü: Kumaraswamy

Bengaluru (Karnataka), Monupii/May 25 (Agencies): Karnataka assembly nung Chief Minister, HD Kumaraswamy-i, Congress-JD(S) sorkari kümsük (küm 5) abensaa inyaktsü, ta metetdaktsü.
Paisa, pai aniba sorkarji majority sorkar ka masü, ta ashi.
Tawa assembly election nung JD(S)-i menden aika nung takok manguba dak sendakba nung pai, “Nüburtemi kü dak tamang makaba atema ni nemjema bilemer,” ta ashi.
Paisa, “Onok (Congress-JD(S)) küm pongu tashi itta alitsü. Onoki nüburtem atema inyaktsü. Onoki pei ajangzüktsü atema meinyaktsü,” ta ashi.
Kumaraswamy-i ashiba agi, pa mesüra Deve Gowda’er kibongi kodanga sorkar tashi marishi aser par kibong yimtenren tsütsü opposition nung mapang timbaka liogo.
Kumaraswamy-isa JD(S) tongti aser taoba mapang Ato kilonser, H D Deve Gowda-i 2006 küm teloktep sorkar atema BJP den longjemba ajanga tarak ketogo, ajisüaka tangbo Congress den loktepba ajanga iba tarakji samaogo, ta ashi.
Paisa, election mapang nangzükba ama sorkari aluyimertem dang sentsüh atoktsü atema inyaktsü, ta metetdaktsü.