Congress MLA, KR Ramesh Kumar Karnataka Speaker shimogo

Bengaluru (Karnataka), Monupii/May 25 (Agencies): Karnataka Assembly nung Speaker menden atema tetokteper makai Congress MLA, KR Ramesh Kumar shimogo.
BJP-i par candidate, S Suresh Kumar agienba ajanga Ramesh Kumar den tetokteper makai pa Speaker shim.
Karnataka Deputy Chief Minister, G Parameshwara-i Speaker atema K R Ramesh Kumar tenüng benokba sülen Congress leniri Siddaramahaih-ia melunga agizük.
Ramesh Kumar ya trokbenbuba MLA shimogo aser HD Deve Gowda o JH Patel nati aniba sorkar (1994-99) mapang nunga Karnataka Assembly Speaker anaben tashi inyakogo.
Taoba Congress sorkar mapang nunga pa Health & Family Welfare minister inyaka liasü. Tawa agiba assembly election nung pai Srinivasapur menden nung JDS candidate, GK Venkatashivareddy madak vote tali 10,500 agi takok ngua liasü.
Pa Speaker shimliyongi Karnataka Chief Minister, HD Kumaraswamy-i Ramesh Kumar nem tenüngsang agüja, “Ajaki melunga na shimba atema onok pelar,” ta ashi.
BJP legislative party tongti, Yeddyurappa-ia Ramesh Kumar nem tenüngsang agüja, “Na kanga tongmelang aser nisung tajung, iba denji külemi nai ajangshia inyakdangogo. Opposition-i akokba tashi nü den yariteptsü,” ta ashi.