Congress züngsemtemi Subramanian Swamy anema lungkak ait

Dindigul, December 19 (Agencies) : Congress lenirtem – Sonia Gandhi, Rahul Gandhi aser tangartem anema National Herald keno benoker BJP lennir Subramanian Swamy anema Honibarnü Congress züngsem 150 shi ka adenshia lungkak ait.

Lungkak aitertemi Swamy mesüka yangluba ka mi agi rongdoka lungkak ait. Parnoki yimyim kar ayima lungkak aitba sülen timtem kecha magütsüi dang senshi. Iba jagi parnok shinga sota mayu, ta police-i metetdaktsü.

National Herald ken o ya Swamy-i private criminal complaint agütsüba lir aser pai Congress President Sonia Gandhi aser par jabaso Rahul na nem tai tongloktsür.

Tanü New Delhi nung okadak kati Swamy-i benokba onük ka magizük aser Sonia aser Rahul Gandhi na nem bail temeten agütsü.