Conrad-i takok tulu angu; Rio & NPP Nagaland State-i tenüngsang agütsür

Shillong/Dimapur Luroi (August) 27 (Agencies): Meghalaya Chief Minister aser National People’s Party (NPP) tanishir Conrad K Sangma-i tanü South Tura constituency by-election nung takok tulu nguogo.
Conrad-i vote 8420 agi Congress candidate Charlotte W Momin madak takok angu.
Conrad-i vote ajak agi 13656 angu aser Monin-i 5235 dang ngutet.
Tanep 8:00 ako nungi Tura kübok Dakopgre nung aliba Extension Training Centre nung votes azüngtsü tenzük.
Ajisüaka, Ranikor constituency by-election nungbo NPP candidate MM Danggo-i tamakok angu.
Danggo-i vote 4462 agi United Democratic Party (UDP) candidate Pius Marwein den tamakok angu.
Marwein-i vote 7144 angu aser saka Danggo-i vote 2682 dang nguteta liasü.
Conrad-i Twitter nung “Ni pusemba atema kanga pelar South Tura. Iba osang ajanga asen nübortemi democracy dak tamang akaba sayutsü ta ni amanger” ta metetdaktsü.
Rio aser NPP Nagaland State
Dimapur, Luroi (August) 27 (TYO): Nagaland chief minister Neiphiu Rio-ia Meghalaya Chief Minister Conrad Sangma den tepela osang metetdaktsü.
South Tura Assembly Constituency indang by-election nung takok tulu anguba atema ni aser state nung alirtem tenüng nung tepela salem abener, ta Rio-i sangdong ka nung metetdaktsü.
Nai takok tulu anguba ajanga nübortemi nü lenisüba dak tamang akaba sayur aser nai Meghalaya state len anir aodang takok ngudakjang ta moatsür, ta Rio-isa shisem.
Ano külen NPP, Nagaland State-ia sangdong ka nung National President (NPP) & Chief Meghalaya Minister Conrad K Sangma-i takok tulu anguba atema tenüngsang agütsüba metetdaktsü.
Taoba Union Minister of State aser Nagaland state incharge, Kr. Agatha K Sangma-i party aser Meghalaya nung alirtem ajungtsü atema South Tura constituency menden toktsüba atema pelar aser la nem tenüngsang agütsür. South Tura nung alirtemi ozü National President Conrad K Sangma nem temoatsü agütsüba atema NPP Nagaland State-i kanga pelar, ta IPR Secretary Ricky Ozukum-i sangdong ka nung ashi.