Cooch Behar U-19 (Boys) Trophy osang

Dimapur, Yimpoksüi/November 26 (TYO): Nagaland team tang mezüngbuba U-19 Premier National tournament, Coodh Behar trophy nung shilem agidar. NCA Stadium, Sovima, Dimapur nung Nagaland team Manpiur den asayadaki.
Asaya nung Nagaland captain Jousah Ben Ozukum-i toss akokba sülen parnoki mezüng field asütsü asoshi shim.
Asaya mezüngbuba innings nung Manipur team-i asayar ajak out sür run 212 yanglutet. Parnok rongnungi Gagendra-i run 88 aser Abhijeet-i run 30 yanglu.
Nagaland team bowler tem rongnungi yash-i wicket 3 aser Chiranjivi-i wicket 3 agi.
Asaya mezüngbuba anogo nung Nagaland team-i asayar ka danga out mesüi run 47 yanglur tembangogo. Maneni tanü anogo tanabuba asayatsü.