Cook-i Tendulkar otsü ajangtetogo

Durham, May 30 (Agencies): England Test captain, Alastair Cook alima ajunga nung Test runs 10,000 yanglur batsman tanübotisang küma tanü, Hombar nü otsü tasen ka yangluogo.
Sri Lanka telok madak wicket 9 agi takok ngua, 2 buba Test asaya akokba asaya nung arishi küm 31 ser anogo 157 tain Cook-i Sri Lanka pacer, Nuwan Pradeep-i aonba ball boundary tonga zükdoka tanü otsüji yanglua liasü.
Tan takok anguba sülen England-i Test asaya 3 densemba series asaya nung points 2-0 agi temaba jenjang angur lir.
Cook-i tan arishi küm 31, ita 10 ser anogo 20 tain alidang Test runs 10,000 2005 küm yanglusang, India nunger cricket asayar mongin, Sachin Tendulkar otsüa ajangteter lir.
Cook ya alima ajunga nung Test runs 10,000 yanglur batsman 12 buba akümer lir.