‘Coolie’ lendong ajanga ni tanaben aso : Amitabh

Mumbai, August 2 (Agencies) : Küm 33 tejaklen iba anogo nung pa Coolie film yangluba set nung lendong ajurudang pa atema sarasademtsür ajak dang pelar, ta megastar Amitabh Bachchan-i ashi.
Arishi küm 72 tain Amitabh-i Twitter nung iba lendong indang osang tejangja metetdaktsü.
Pa mozü kidang nungi aodang tebu Harivansh Rai Bachchan tenük nungi nüktzü alua ajepba mezüngbuba angu, ta Amitabh-i ashi.
“August 2, 1982.. ni Coolie lendong ajuruba sülen taküm mesama. Kidangi meyipa aodang kübo tenük nungi nüktzü alua ajepba angu” ta pai zülua lir.
1982 küm Bangalore nung Manmohan Desai indang “Coolie” film yangludang lendong tulu ka ataloka Amitabh Bachchan kanga mejungi yiru. Iba lendong sülen pa ita aika nungang shia aru.
“Ni atema sarasademtsür aser moatsür ajak dang kanga pelar. August 2 ji ni tanaben asoba anogo ka ama lir. Ni nenok ajak dang teka amteper pelar ta metetdaktsür,” ta Bachchan-isa shia lir.
“Mozü kidang amungba indang osang ashitsübaji tasak aser tanga mapang ni shiogo. Ni nenok den iba osang melemsatepteter, saka linük aser bendanglen alir nisung million aikati pei pei kidang nungi ni atema sarasadem masü asübo, tanü ni nenok den iba osang melemsateptetla. Iba ya teti ni atema sentsüh ka asütsü aser nenok ajak dang kanga pelar,” ta paisa metetdaktsü.