Cooperation dept. ketdangsertemi Tuli nung Tea Factory semdang

Tuli (Mokokchung), June 04 (TYO): June 03, 2017 nü Cooperation Department Secretary, Lithrongla G Chishi leniba nung Registrar of Cooperative Societies, Wepe Ritse aser department nungi ketdangsertemi Merangkong, Tuli nung Echahaba Tea Factory semdanga liasü.
State nung Cooperative indang Tea Factory ji iba kija ya lir, aser iba ya Echahaba Tea Growers’ Copereative Society Limited, Merangkong-i ajungkettsür.
Iba sentong nung Cooperative Society züngsemtem aser Merangkong Village Council züngsemtem den jembidang Lithrongla-i, iba factory junga ketdangsüa high quality standards adokdaktsüba aser tajangzük ngudaktsüba atema society nem tenüngsang agüja liasü.
Laisa yimertem dang süngolu tulu ayimtsüla, kechiyong ibaji ajanga sen aazükba dang masü saka rongsenkettsüng mapa-a yakyaka kümdaktsür, ta ayongzük.
Echahaba Tea Factory ya 2013 küm tenteta liasü, aser iba factory tenzükdangbo küm shia 300 MT tea indang capacity dang amenoka liasü saka 2016-2017 küm 900 MT capicity amenokogo.
Iba factory nungi adokdaktsüba shilem tila ka dang retail ajanga ayoker, saka shilem timbaka Guwahati Tea Auction Centre ajanga ayoker. Iba ya brand tenüng ‘Merangkong’ kübok Tea Board of India-i achaayanga ketdangser.