Copa America: Brazil teloki goal 7-1 agi Haiti akok

Orlando, June 09 (Agencies): Brazil teloki goal 7-1 agi Haiti telok madak takok ngua tang tasayadak 2016 Copa America football asayamong Group B asaya nung yashi, Bodbar nü shilem agiogo.

Liverpool midfielder, Philippe Coutinho-i yashi asaya tenzüker minute 14 aser 29 buba na nung goal 2 tashi agütsüba den külemi, asaya tanabuba shilem tembangtsü minute 2 shi anünga alidang tasembuba goal agüja par Brazil telok asoshi hat-trick yanglua liasü.

Tan hat-trick yangluba ya Coutinho-i tan mezüngsüa international hat-trick yanglur lir.

Coutinho den yaritepa, külem asayar, Renato Augusto-i goal 2 agütsüba den külemi, Gabriel Barbosa aser Lucas Lima natia goal kaka agütsüba ajanga par Brazil teloki yashi goal 7-0 agi temaba jenjang ngua asaya.

Haiti asayar, James Marcelin-ia asaya tenzüker minute 69 buba nung par telok asoshi goal 1 agütsü saka par teloki tamakok angutsüsa aküm.

Tan takok anguba sülen ajak agi points 4 ajangzüka, Group B nung densemba telok rong nung temaba jenjang angur, Brazil teloki Peru den taruba asaya tan Deobar nü asayatsü lemzükogo.