Copa America: Mexico-i Group C nung temaba jenjang angur

Houston, June 14 (Agencies): Mexico teloki goal 1-1 agi draw ngua Venezuela telok den asayaba sülen tang tasayadak 2016 Copa America Centenario asayamong Group C nung temaba jenjang angutsü jenjang tajung yashi, Hombar nü ajangzükogo.
Par Group C nung temaba jenjang anguba ajanga Mexico teloki Argentina den quarterfinal asayatsü jenjang mangutsü akok.
Argentina telokia Bolivia den asayatsü lemzükba par Group D tatembangba asaya nung points 1 anguba ajanga Group D nung temaba jenjang angutsüsa jenjang ngua lir.
Yashi asaya tenzüker minute 10 buba nung Jose Manuel Velazquez-i goal 1 agüja par Venezuela telok temaba jenjang nung ajungkettsü.
Ajisüaka, asaya tenzüker minute 80 buba nung Jesus Manuel Corona-i par Mexico telok asoshi goal 1 agüja par telok anaprongla kasa jenjang kümdaktsü.
Tanüngba asaya mapang nung telok anapronglai goal ka danga magütettsütetba yong yashi asayaji draw nung tembanga liasü.
Tan asaya draw nung tembangba sülen Mexico aser Venezuela napronglai asaya 3 nung ajak agi points 7 nguogo.
Ano külen, Uruguay telokia goal 3-0 agi Jamaica telok madak California kübok Santa Clara nung takok ngua asayba osang jangjaogo.