Coronavirus ajanga industry nung kongshiba reprangshimer

New Delhi, February 18 (Agencies): Coronavirus adokba sülen sector kar nung tetsükdaktsü ajurur aser iba atema sorkari inyakyim kar tenzüktsü, ta Union Finance Minister Nirmala Sitharaman-i ashi.
“Coronavirus ajanga industry nung kongshiba onük sorkari meyipa reprangshimogo. Iba atema olemtepba sülen inyakyim kar tenzüktsü” ta Sitharaman-i osangbener dang ashi.
Iba khuret ajanga Make-in-India initiative nung kongshiba indang osang tangbo mali aser jenjang atuba indang tebilemtsü kecha mali, ta laisa ashi.
Sitharaman-i industry teshimtet nübotem aser sendaktepa alirtem den novel coronavirus ajanga maparen nung kongshiba asoshi senden ka amenba sülen iba osang ya metetdaktsü.
China nung novel coronavirus (tang Covid-19 ta ajar) adokba ajanga India rongsenkettsüng nunga timtem ajurutsü ta industry-i tebilemba lemsatepba sülen iba senden ayonga amen.
India nung pharmaceutical, chemical aser solar equipment yanglurtemi iba tebilemtsü lemsatep, ta Finance Minister Sitharaman-i ashi.
India den tanga linüktemi tensa azüoktsü atema inyakyim kar tenzüktsüla, ta Confederation of Indian Industry (CII)-i taoba mapang metetdakja liasü.
“China nung ozüng agüja lir aser iba ajanga osettem belenba aser nisungtem senzüsenbongba noktanger. Iba khuret ajanga meimchir dak kanga mejungi kongshitsü, aser külen iba kasa khuret ajanga rongsenkettsüng nung kongshiba ajanga takoksa ajurutsü” ta CII-i ashi.
“China nung Covid-19 adokba ajanga alima rongsenkettsüng nung tulu ka kongshitsü” ta parnokisa shisem.
China-i India dangi yokba:
Toys, furniture, hardware, footwear, fabric, consumable goods, gift articles, watches, mobiles & mobile accessories, electronic goods, electrical products, medical & surgical equipments, surgical goods, pharmaceuticals, iron, steel, engineering goods, chemicals, construction instruments, kitchen equipments, auto spare parts, paper, stationery items, fertilisers, plastic & plastic products, fancy decorative items, cosmetics, computers & computer accessories, solar panels, & bamboo sticks for ‘agarbatti’.