Cosmopolitan Blogger Award takoker rongnung Naga tsür densem

Dimapur, July 24 (TYO): Cosmopolitan India X Fiama Di Wills Blogger Awards takok rongnung Best Design Award Aien Jamir-i ngua kanga nüngtugu Cosmopolitan Magazine nung adokogo.
La ya fashion Blog, FASHION & I tentetla aser creative head lir.
La ya Nagaland nungi lir aser lai ashiba agi, lai ‘wicked’ personal style ta ajaba online ajanga sayatsü atema lai iba blog tenzüka liasü, iba den külemi design creation nung tetsükdaktsü kecha makai inyaktsü atema la kibur sünüa inyakba ajanga lai ‘Best Design’ award anguba nung tongtibang shilem ka agi.
“Ni tobur ajungba nung dang tenük yoker. Tobur mejungra, nisungtemi idakji merangloktsü. Ni design tajung repranger aser talisa original ang sakloker” ta Aien Jamir-i Cosmopolitan Magazine den sensaksemdang ashi.