‘Countdown’ nung Elizabeth-i shilem agitsü

Metsüremi/March 16 (Agencies): ‘You’ film nung shilem agila Elizabeth Lail nem taruba horror movie ‘Countdown’ nung tongti shilem agidaktsütsü atema anisemogo, ta osang ajanga metetdaktsü.
Film ya nurse aiur ka shibai nisung asütsü atema mapang shitetba indang app ka download süa amshia, la asütsü anogo asem anunga lir ta app jagi metetdaktsüdang, lai la taküm kümzüktsü atema lenmang balala bushiba aser kasa mapang temenen agi la meshishiba indang asütsü.
“Elizabeth Lail ya actress tasen rongnung sempet tajung aketba actress ka lir. Nüngtugo psychological thriller ‘You’ nung lai shilem agiba ajaki jangjaa lir aser iba film ajanga takok tulu nguogo,” ta Adam Fogelson-i ashi. “Countdown’ film ya tetsübutsü den külemi jangratemtsü aketba otsü ka asütsü aser project atema actress (Elizabeth) tetemjem ka nguogo,” ta Adam-isa shisem.
Justin Dec-i script zülutsüogo aser paisa project direct asütsü.
Adam den külemi, Sean Anders, John Morris, John Rickard aser Zack Schiller nunger longjema iba project produce asütsü renema lir.