Counting Observer Kiphire district tongogo

Dimapur, Monupii/May 20 (TYO): Nagaland nung Lok Sabha election atema counting Observer Ritess Kumar Singh, May 20, 2019 nü Kiphire district tongogo. Vote tem May 23 nü azüngtsü. Pa Kiphiri atongba sülen District Administration den Superintendent of Police Kiphire den Deputy Commissioner’s Office Chamber nung lepareprangshiba senden ka menogo. Observer-i, district administration dang vote azüngba mapang aibelen nungi jenbotsü atema VVPAT kanga kümdanga amshitsü ashi. Counting Observer-isa strong room aser DC Office nung vote azüngtsüba tesem semdanga liasü. Counting Observer den DC Kiphire, M. Shayung Phom; ADC, Reny Wilfred IAS; SP Kiphire, Y.E Ngullie, IPS aser tanga ketdangsertem dena liasü, ta DPRO Kiphire sangdong ka ajanga metetdaktsü.