Court-i EC dang Smriti Irani indang degree kuli bushitsü tuyur

New Delhi, October 06 (Agencies): Brihostibarnü Patiala House Court-i Election Commission (EC) dang Union Minister, Smriti Irani anema degree taila ken o nung degree kuli bushiang ta tuyuogo.
Election mapang nung Irani-i affidavit nung la tazüngba kuli tai Election Commission nem agütsüba atema la anema ken o benoka lir, aser iba ken o angadangba mapang nung court-i EC nem iba tetuyuba agütsü. October 15, 2016 nü maneni kasa ken o angadangtsü.
Ken o agütsüsang, Ahmer Khan-i, 2004, 2011 aser 2014 election mapang nung Irani-i metetsümonga la tazüngba kuli tai agüja lir, ta ken o benok.
Tamalen Election Commission-i parnok indang official website nungi agizükba file nungi kakettem court nem agüja liasü.
Iba mapang nung Commission-i court dang, 2004 election mapang Irani indang affidavit nung original kulikakettem samaogo, ta ashi.
Khan atema okatsür K.K. Manan aser Anjali Rajput nati, BJP leniri (Irani) 2004 Lok Sabha election nungi Delhi, Chandni Chowk constituency nung tenüng agütsüdang la affidavit nung la Delhi University’s School of Correspondence nungi 1996-batch graduate lir ta ashi, ta metetdaktsü.
Ajisüaka 2014 Lok Sabha election nung la UP, Amethi nung tenüng agütsüdangbo lai la 1994 küm Delhi University’s School of Open Learning nungi B.Com. (Part I) agi ta shia lir.