Court-i Sheena Bora tepsetba ken o bushisüngdangba Dec. 17 tashi nung CBI dang meshir

Mumbai, Dec. 8 (Agencies) : Tanü special court ajanga CBI dang Sheena Bora tepsetba ken o taruba anogo ter nü tsüngda bushisüngdang asüba maparen tembangtsü metetdaktsüogo.
“Ni ken o tem shibanga alibatemji December 17 nü lapoka Bora tepsetba ken o nung aija alila Indrani Mukerjea nem lapoka agütsütsü” ta special CBI judge H S Mahajan-i central investigative agency dang tanü metetdaktsüogo.
Tanü, Indrani Mukerjea okatsür Gunjan Mangla ajanga lai magistrate court dang kuli asüngdanga liasü.
Indrani Mukerjea’er jala Sheena (küm 24) gari nung alenseta südaktsü aser Mumbai nungi Km 84 pilar arem min Raigad anasa mitsü küm rongdoktsü.
Tang Indrani ya Byculla women prison nung puoka lir aser tebuba Peter, tanabuba tebuba Khanna aser gari anishisang Rai nungertem Arthur Road, Jail nung yua lir.