Court-i Zasituo nem ‘interim bail’ agutsü

Kohima, Luroi/August 23 (TYO): Tanü Kohima nung lower court kati Naga style wrestler, Zasituo Tsükrü nem ‘interim bail’ agutsüogo.
Kohima district kübok Dihoma yim nungi Tsükrü-i Luroi 2, 2018 nü Kohima jila tezülen Kevuoliezha nung Naga nunger masüba tanur ana tetsü ka dak lar kidang tashiyim mapa inyak, ta pa nem tai tonglokja apu.
Tanü court nung official osang ka ajanga ashiba agi, Principal District & Session Court-i medical board kati pa Nagaland adener treatment agitsü benokba medical kuli nung ajemdaker pa nem ita ka ‘interim bail’ agutsü.
Tetsürla dak tashiym mapa inyakba atema D Khel Kohima village nung alirtemi Zasituo apu aser Luroi 4 nü police ket nung agutsü.
Police ket nung magutsüdang tejashi nung loktii tai tonglokja alisang dakji züka liasü.