COVID-19 frontline worker nem teyari agütsütsü

Dimapur, Monupii/May 21 (TYO): Taoba mapang sangdongba nung bendenloksema Home Department Relief & Rehabilitation Branch ajanga ashiba agi, Nagaland state sorkar mapa inyakertem yakpang sür mapa inyakba mapang COVID-19 agi asür nem teyari sen lakh 10 agütsütsü ta State Sorkari sangdonga aliba nung drivers, cleaners, sanitary workers, caterers aser state nung Quarantine Centre tem anepaliba nung dena alirtem/inyakertema dena lir.
Ajidang masü District Task Force kübok COVID-19 den raraba asoshi inyaksangshi balala nung shilem agiba ‘non Government functionary’ tema dena lir, ta kasa sangdong ajanga ashi.