COVID-19 Hospital asütsü atema IMDH shimer

Dimapur, March 31 (TYO): Nagaland Epidemic Disease (COVID-19) Regulations, 2020 ajanga tashi agütsüba ama Health & Family Welfare Principal Secretary, Menukhol John-i Imkongliba Memorial District Hospital (IMDH) ya COVID-19 Hospital ka ama amshitsü shimtetogo.

Iba nung ajemdaker Principal Secretary-i temetettsü kar shiogo.

1. April 6, 2020 nungi IMDH nung shiranger tasen shinga manioktsü.
2. Tang mozü kidang temongdakpurtem, ano maneni anepalutsüsa kümra Lenjem Hospital (contact: 0369 2225226)-i belena anir aotsü.
3. IMDH nung emergency healthcare nüngdakba shirangertem ajak Lenjem Hospital-i yoktsü. Emergency nüngdakertem dang anepalutsü.
4. IMDH nungi anir aoer mesüra emergency shirangertem indang senotsü maparen Lenjem Hospital den inyakteptsü.
5. IMDH nungi Lenjem hospital-i anir aoba shiranger mesüra idakji amongtsü yokertemi MS, IMDH nungi authorization order ka abentsü.
6. AB-PMJAY beneficiary temi lateta aliba ama angati tajangzük angutsü.

Iba dak sendakba nung osang tejangja metenürtemi tsünglanglen agüja aliba number tem den tongteprateptsü akok:

1. State Control Room: 9099607609/ 7085444710
2. District Control Room (Mokokchung): 7630007954 / 7628854582