COVID-19 Nagaland: 31 putet, taneptsü angur 5 & tasüba ka

Kohima, Aenjeti/January 06 (TYO): Brehostibarnü Nagaland nung COVID-19 tashidak agi meneper nisung tasen 31 liasü, taneptsü angur nisung pungo aser tasüba ka liasü, anungji state nung iba tashidak agi meneper nisung ajak agi 32,247 alitsü.

Cases tasen tem ya Dimapur district nungi 30 aser Kohima nungi ka liasü. Taneptsü angur züngdangba nung 30,382 jungogo aser taneptsü anguba rate ya shilem 94.21 alitsü aser Dimapur district nungi nisung pungo taneptsü ngua liasü.

State nung tang active cases 82 kumogo aser item rongnung par 16 dak iba tashidak agi timtem agütsüba sümia lir, ana kanga mejungi kangshir aser 46 dak timtem kecha mali, ta Nodal Officer for Integrated Disease Surveillance Project, Dr Nyanthung Kikon-i ashi.

Anogo 11 tashi iba tashidak agi state nung nisung asü-amaba mali arur Dimapur district nung ka asüba ajanga State nung iba tashidak keter asür nisung 703 jungogo, aser item rongnung nisung 16 dak danga tashidak keta liasü. Ajak senteper COVID-19 agi menepa alir nisung 1,080 danga state temi ogo.

Nagaland nung tang tashinung COVID-19 tashidak alitsü temolung melemteti sample 4,25,604 tendangogo. Item ya RT-PCR nung 1,12,284, TrueNat nung 90,580 aser Rapid Antigen nung 2,22,740 tendanga lir, ta Dr. Kikon-i ashi.

Bodhbarnü tashinung lanur arishi küm 15 nungi 18 tsüngta nisung 832 nem COVID-19 vaccine agütsüogo, ta health department ketdangsüri ashi.

Maneni Bodhbarnü tashinung Nagaland nung nisung 760,789 nem COVID-19 vaccine doses 13,39,570 agütsüogo, ta State Immunization Officer, Dr Ritu Thurr-i metetdaktsü.

State nung vaccine agir alirtem ya frontline nung inyaker nisung 60,985, healthcare nung inyaker nisung 16,005, arishi küm 45 nungi tema nisung 214,266 aser arishi küm 18 nungi 44 tsüngta nisung 469,533 alitsü, ta pai ashi.

Nisung 578,781 nem vaccine dose tanabuba agüja parnok iba vaccination course tembangogo.

Parnok ya frontline nung inyaker nisung 48,627, healthcare nung inyaker nisung 13,543, arishi küm 45 nungi tema nisung 179,416 aser arishi küm 18 nungi 44 tsüngta nisung 337,195 alitsü, ta Dr Thurr-isa ashi.