COVID-19 Nagaland: 64 taneptsü angu, 52 dak putet & 3 asü

Kohima, August 29, 2021 (TYO): Deobarnü Nagaland nung COVID-19 agi shiranger nisung 64 taneptsü angu aser 52 dak putet.

“Tesüiba ghonda 24 tsüngda COVID-19 puteta alir nisung 64 taneptsü angu. Parnokji Dimapur nung 41, Mokokchung nung 13 aser Kohima nung 10 lir” ta Integrated Disease Surveillance Project atema State Nodal Officer, Dr Nyanthung Kikon-i ashi.Parnok züngsema taneptsü angur ajak agi nisung 27,665 kümogo aser ibaji 92.30% lir, ta paisa ashi.

“Deobarnü nisung 52 dak COVID-19 aliba putet. Parnokji Dimapur nung 16, Kohima nung 15, Mon nung 7, Phek nung 5, Zunheboto nung 4, Mokokchung nung 3 aser Wokha nung 2 lir.

Tang COVID-19 puteta anepalur nisung 806 lir” ta paisa metetdaktsü. Deobarnü Kohima nung COVID-19 puteta alir nisung 3 asüba züngsema tasür ajak agi 617 kümogo, ta Dr. Kikon-isa ashi.

“Tang tashi nung COVID-19 alitsü akok ta temolung melemi bilemba sample 317,394 tendangogo. RT-PCR ajanga 106,157, TrueNat ajanga 75,504 aser Rapid Antigen Test ajanga 135,733 tendang” Dr Kikon-isa metetdaktsü.

“Honibar tashi nung nisung 654,789 nem COVID-19 vaccine indang dose 850,419 agütsüogo” ta State Immunization Officer, Dr Ritu Thurr-ia ashi.

“Vaccine agirtemji frontline workers 60,848, healthcare workers 15,990, arishi küm 45 ser temapur 192,482 aser arishi küm 18 nungi 44 tsüngda alir 385,469 lir” ta paisa ashi.

“Vaccine agirtem rongnungi nisung 195,630-i dose anaprong agiogo. Parnokji frontline workers 43,030, healthcare workers 12,904, arishi küm 45 ser temapur 113,742 aser arishi küm 18 nungi 44 tsüngda alir

24,954 lir” ta Dr Thurr-isa metetdaktsü.