COVID-19 Nagaland: 8 dak putet & 12 taneptsü angu

Kohima, November 19, 2021 (TYO): Nagaland nung Hokolbarnü nisung 8 dak COVID-19 putet aser 12 taneptsü angu.

“Tanü nisung 8 dak COVID-19 putet. Parnokji Dimapur nung nisung 6 aser Kohima o Mokokchung nung kaka (1) lir” ta Integrated Disease Surveillance Project atema State Nodal Officer, Dr Nyanthung Kikon-i ashi.

“Taoba ghonda 24 tsüngda COVID-19 puteta alir nisung 12 tashi taneptsü angu. Parnokji Dimapur nung 7, Kohima nung 3 aser Tuensang nung 2 lir” ta paisa ashi.

Nisung 32,040 rongnungi 30,165 tashi taneptsü nguogo aser ibaji taneptsü angur 94.16% lir, ta Dr Kikon-isa ashi. Tang nisung 127 anepaludar saka parnok 104 dakbo shirangba yimya kecha mali ta paisa metetdaktsü.

“Brihostibar tashi nung nisung 722,393 nem COVID-19 vaccine indang dose 12,50,399 agütsüogo” ta State Immunization Officer, Dr Ritu Thurr-ia ashi.

“Vaccine agirtemji frontline workers 60,976, healthcare workers 15,999, arishi küm 45 ser temapur 204,761 aser arishi küm 18 nungi 44 tsüngda alir 440,657 lir” ta paisa shisem.

“Tang tashi nung nisung 528,006-i dose anaprong agiogo. Parnokji frontline workers 48,261, healthcare workers 13,469, arishi küm 45 ser temapur 168,344 aser arishi küm 18 nungi 44 tsüngda alir 297,932 lir” ta Dr Thurr-isa ashi.