COVID-19 Nagaland: Anogo 7 atongtepa taneptsü angur teimba

Kohima, August 27, 2021 (TYO): Nagaland nung anogo tenetnü atongtepa COVID-19 puteter dang nungibo taneptsü angur teimba liasü. Hokolbarnü nisung 78 taneptsü angu aser 63 dak putet.
“Tesüiba ghonda 24 tsüngda COVID-19 agi shiranger nisung 78 taneptsü angu. Parnokji Kohima nung 33, Dimapur nung 23, Mokokchung nung 14, Zunheboto nung 6 aser Peren nung 2 lir” ta Integrated Disease Surveillance Project atema State Nodal Officer, Dr Nyanthung Kikon-i ashi.
Parnok züngsema taneptsü angur ajak agi nisung 27,535 kümogo aser ibaji 92.27% lir, ta pai ashi.
“Hokolbarnü nisung 63 dak COVID-19 aliba putet. Parnokji Dimapur nung 24, Kohima nung 14, Mokokchung nung 10, Longleng nung 5, Phek o Zunheboto nung asemsem (3), Kiphire nung 2 aser Mon o Peren nung kaka (1) lir” ta Dr Kikon-i metetdaktsü.
Nagaland nung tang nisung 818 anepaludar aser tanü Dimapur nung COVID-19 puteta alir nisung 2 asü. Tena züngsema tasür ajak agi 614 kümogo, ta paisa ashi.
“Tang tashi nung COVID-19 alitsü akok ta temolung melemi bilemba sample 314,028 tendangogo. RT-PCR ajanga 105,983, TrueNat ajanga 74,806 aser Rapid Antigen Test ajanga 133,239 tendang” ta Dr Kikon-isa ashi.
“Brihostibar tashi nung nisung 133,239 nem COVID-19 vaccine indang dose 846,130 agütsüogo” ta State Immunization Officer, Dr Ritu Thurr-i metetdaktsü.
Vaccine agirtemji frontline workers 60,848, healthcare workers 15,990, arishi küm 45 ser temapur 192,192 aser arishi küm 18 nungi 44 tsüngda alir 384,180 lir, ta paisa ashi.
“Vaccine agirtem rongnung nisung 192,920-i dose anaprong agiogo. Parnokji frontline workers 43,771, healthcare workers 12,877, arishi küm 45 nungi temapur 113,196 aser arishi küm 18 nungi 44 tsüngda alir 23,066 lir” ta Dr Thurr-isa ashi.