COVID-19 Nagaland: Cases tasen 19, taneptsü angur 21 & tasüba ka liasü

Kohima, Mongputeni/Oct. 22 (TYO): Nagaland nung October 22, 2021 nü COVID-19 cases tasen 19 jangjateta iba tashidak agi meneper nisung 31,689 jungogo aser asür 678 kumogo, ta health ketdangsür kati ashi.

Tanü COVID-19 positive cases putetertem ya Dimapur nung 15, Kohima aser Wokha nung ana-na alitsü, ta tate Nodal Officer for Integrated Disease Surveillance Project, Dr Nyanthung Kikon-i anogoshi sangdongba COVID-19 bulletin nung ashi.

Tesüiba ghonda 24 tsüngta positive cases 21 – Dimapur nung 16, Mokokchung nung asem, Kohima nung ana taneptsü ngua tang state nung iba tashidak nungi taneptsü angur nisung 29,738 alitsü, aser taneptsü anguba rate ya shilem 93.84 alitsü, ta pai ashi.

Tang state nung COVID-19 active cases 245 alitsü aser parnok rongnung iba tashidak agi temang nung timtem sümia agütsür nisung 45, nisung 9 dak timtem tera agütsür, nisung 6 kanga mejungi kangshir aser nisung 185 dak iba tashidak agi timtem agütsüba mali, ta pai ashi.

Peren nung COVID-19 positive nisung ka asüba ajanga state nung iba tashidak keter asür nisung 678 kumogo aser item rongnung nisung 15 bo danga tashidak keta liasü, ta ashi.

Ajak senteper COVID-19 positive keta alir nisung 1,028 danga state temi ogo, ta Dr Kikon-i ashi.

Tang tashinung COVID-19 tashidak alitsü temolung melemteti Nagaland nung sample 389,777 tendangogo. Item ya RT-PCR ajanga sample 110,614, TrueNat ajanga sample 85,102 aser Rapid Antigen Test ajanga 194,061 tendangogo, ta paisa ashi.

Brehostibarnü tashinung nisung 704,836 nem COVID-19 vaccine doses 11,64,695 agütsüogo, ta State Immunization Officer, Dr Ritu Thurr-i metetdaktsü.

State nung COVID-19 mozü agütsür aliba rongnung frontline nung inyaker nisung 60,957, healthcare nung inyaker nisung 15,998, arishi küm 45 nungi tema nisung 201,207 aser arishi küm 18 nungi 44 tsüngta nisung 426,674 alitsü, ta pai ashi.

Nisung 459,859 nem dose tanabuba agüja parnok vaccination course tembangogo. Parnokji frontline nung inyaker nisung 47,796, healthcare nung inyaker 13,355, arishi küm 45 tema nisung 155,020 aser arishi küm 18 nungi 44 tsüngta nisung 243,688 alitsü, ta Dr Thurr-i ashi.